ـ قومي ي بت اصحي
=نعم نعمممم اوووف هو الواحد ميعرفش ينام سعتين في البيت ده
ــ ساعتين اي ي بت انتي نايمه من امبارح قومي علشان عاوزه اقولك حاجه
=خير ع الصبح
ــ جايلك عريس
=هههييييهي نعم ي عنيا ما انتو عارفين أني هرفض
ــ لاء ده بقي غيرهم كلهم ي بنت المحظوظه
=مين ي بت شاروخان؟
ــ شاروخان اي ي هبله، ده اللي جاي شيخ
=نعمممممم! وكمان شيخ ارحمووووني
ــ ومالو الشيخ يختي
=ملوش يحببتي
ــ طب هو جاي الساعه سبعه
=طيب لما يجي خودو منو الجاتوه ويسلام لو معاه ورد بقي وقولولو معندناش بنات للجواز واطلعي برة واطفي النور واقفلي الباب
ــ بااردة
=بررررررررررة
ـــــــــــــــــــــــــــــــــــــــــــــــــــــــــــ
ــ الو
=اممممم
ــ حد يرد على حد كده اي القرف ده
=عايزة اي؟
ــ عاوزه اقابلك النهاردة
=وده من اي!
ــ انا مش هستنى موافقك انا هاقبلك في*****
=طيب سلام
ـــــــــــــــــــــــــــــــــــــــــــــــــ
ــ رايحه فين؟
=خارجه يا ماما
ــ و العريس اللي جاي ده مين هيقابلو؟
=انتو
ــ يابرودك ي بت
=انتو ازاي موافقين عليه بكل السهولة دي و بعدين هو مش عارف هو جاي لمين ده اكيد عاوز واحده معقده
ــ قابليه و خلاص مش هتخسري حاجه
=طب أنا خارجه
ــ انا قولت لاء
=مش هتأخر والله ي ماما
ــ مش مصدقاكي
=كده ي ماما مش مصدقه بنتك حببتك ده انا طيبه وغلبانه و......
ــ بس كفايه تسول روحي وارجعي بدري عارفه لو جيتي متأخر انتي حرة
=سلاموز ي قمر
ــ بيئه من يومك
ـــــــــــــــــــــــــــــــــــــــــــــــــــــــــــــــ
ــ انتي فين ي بت
=أنا نزلت انتي اللي فين
ــ نزلتي ي كدابه اذا كنت أنا واقفه تحت بيتكم
=احممم انا نازله
=اخلصي
ـــــــــــــــــــــــــــــــــــــــــــــــــــــــــــــــ
ــ هاا جايباني هنا ليه
=هخطفك
ــ هتخطفيني في كافيه وقدام الناس
=ما انتي غيبه
ــ المهم جايباني في اي بقي
=أنا جايلي عريس
ــ اييييييه! طب ويوسف
=معرفش، لا والمصيبه انو شيخ
ــ ينهار أسود
=و لو مقابلتوش هيشكو فيا
ــ طب متقابليه و خلاص
=و بعد ما اقابله
ــ لو ارتحتي توكلي على الله
=هو اي اللي انتي بتقوليه ده انتي عاوزاني اوافق على واحد و اقعد معاه وانا قلبي مع حد تاني
ــ يا بنتي صدقيني يوسف مش هيتجوزك ده بيتسلى بيكي وخلاص
=وانتي عرفتي منين بقي؟
ــ لانو مستحيل يتجوز البنت اللي بيكلمها، الولد دايمًا بيكون عاوز واحده محترمة تحافظ عليه وعلى بيتو وولاده
=تقصدي أني مش محترمه!
ــ و الله ما أقصد أنا قصدي انو مش هيكون واثق فيكي أكيد هيفضل يقول لما أنتي كلمتيه أكيد كنتي بتكلمي حد قابليه فأنتي أنهي الموضوع ده و عيشي حياتك و بعدين يوسف ده معروف عنو أنو ماشي مع كل واحده شويه
=بس أنا حبيتو بجد
ــ بس حبتيه في الحرام
الحب ده بيجي بعد الجواز
=يعني الحب حرام؟
ــ لا ي حببتي عمر الحب مَ كان حرام، بس اللي انتي عاملتيه ده هو اللي حرام
=بس......(مكملتش الجمله و مامتها رنت)
ــ انتي فين ي بنت ال.........
=حاضر ي ماما جايه
ــــــــــــــــــــــــــــــــــــــــــــــــــــــــــــــــــــــــــــ
رجعت البيت و أنا عماله أفكر في كل كلمة قالتها صاحبتي و قاعده بفكر هعمل اي وبعد كده رنيت ع يوسف
ــ الو يا يوسف
=الو
ــ ازيك وحشتني
=كويس
ــ يوسف انا جايلي عريس
=طيب مبروك
ــ نعمم!!!!
=اي ي بنتي مالك شوفي حياتك
ــ لي انت مش هتتجوزني؟
=هههههه اتجوز واحده ماشي معاها ده اللي هو ازاي يعني، وبعدين الله أعلم انتي مشيت مع كام واحد قبليا
ــ و الله العظيم ما مشيت مع حد انا حبيتك انت
=شششش بطلي عياط والعبط ده وبعدين انتي عاوزاني اتجوزك على اي مثلا! هتربي ولادي ازاي أنا عاوز واحده تربي ولادي وتحافظ عليهم
ــ أنت انسان زباله
=مش أزبل منك بااي
قفلت معاه وقعدت أعيط وافتكرت كل كلمه كانت منه بتنصحني بيها كانت دايمًا بتنصحني ابعد عنو بس أنا كنت غبيه فعلا منه كان معاها حق
ـــــــــــــــــــــــــــــــــــــــــــــــــــــــــــــــ
الساعه7 العريس وصل ماما دخلت عليا الاوضه و حاولت اتظاهر ان مفيش حاجه
ــ يلا يا مريم البسي
=حاضر ي ماما
وقفت أبص ل اللبس اللي عندي و مش عارفه ألبس اي كل لبسي عبارة عن بنطلونات ضيقه ومكيب وتربون
المهم لبست اللي عندي وطلعت من غير ميكب عادي وطبعا اول م طلعت قالو الكلمة المعتاده (نسيب العرسان مع بعض)
ــ احم ازيك يا أنسه مريم
=الحمدلله بخير
ــ اعرفك بنفسي انا........................................
حابة تعرفي حاجه تانيه؟
=لا شكرًا
ــ منتظر ردك
=ان شاالله
ـــــــــــــــــــــــــــــــــــــــــــــــــــــــــــــــ
خلصنا ودخلت رنيت ع منه و قلتلها كل اللي حصل و قالتلي صلي استخارة و كده و فهمتني وصليت الاستخارة و حسيت بارتياح و بلغت بابا وبابا بلغو و ده كلو جه بسرعه مش عارفه الوقت عدى ازاي، واتفقنا كمان ع كتب الكتاب
ـــــــــــــــــــــــــــــــــــــــــــــــــــــــــــــــ
ــ الو يا منه
=السلام عليكم
ــ عليكم السلام، منه انا عاوزاكي ضرووري أنا عارفه ان مفيش غيرك هتساعدني
=خير يا حببتي مالك؟
ــ مش هينفع في التلفون
=تمام نتقابل في**************
ـــــــــــــــــــــــــــــــــــــــــــــــــــــــــــــــ
اتقابلت أنا ومنه
ــ ها ي ستي عاوزاني في اي؟
=من اخر مرة اتقالبنا فيها و انا بفكر في كلامك و خصوصًا لما كلمت يوسف وانا عماله افكر ازاي ارجع لربنا انا عملت حاجات كتيير اوووي غلط ونفسي ارجع لربنا ونفسي ربنا يسامحني وعارفه ان مفيش غيرك هيساعدني
ــ اللهم بارك اللهم بارك بجد فرحانه اوووي أنك اخيرًا حسيتي بالذنب وان شاءالله ربنا هيغفرلك يا حببتي كلنا بنخطئ وخير الخطائين التوابين
=عاوزه اغير لبسي ده واجيب لبس واسع زي اللي انتي بتلبسيه
ــ من بكرة نروح نشتري
=لا من بكرة اي ده من دلوقتي يلااااااا
(نزلنا اشترينا لبس واسع وادناءات وطبعًا أهلي كانو مستغربين من اللي حصل ومن تغيري المفاجئ ده)
ـــــــــــــــــــــــــــــــــــــــــــــــــــــــــــــــ
وجاء اليوم المنتظر يوم كتب الكتاب كان مفاجأة للكل هنعرف مع مرور الاحداث
ــ السلام عليكم يا منون
=عليكم السلام يا عروسه
ــ منه بقولك
=قولي يقمري
ــ منه انا...... انا...
=مالك يا مريم في اي كملي
ــ انا خايفه اكون متسرعة في قراري ده
=طب قوليلي في اي
ــ عاوزه اجيب نقاب
=اللهم بارك اللهم لك الحمد اي القمر ده ع الصبح بس امتى يا مريومه
ــ نصلي الظهر وننزل بأذن الله
=بأذن الله ي قمر
ـــــــــــــــــــــــــــــــــــــــــــــــــــــــــــــــ
نزلنا اشترينا النقاب انا ومنه بس ومحدش كان يعرف ماما كانت عارفه اني نازله انا ومنه بس متعرفش لي، المهم بعد ما اشترينا روحنا الكوافير
ــ ممكن متقليش الميكب يحببتي
=أنتي قمر مش محتاجه صدقيني
ــ من زوقك يروحي
(بعد ما خلصنا لبست النقاب)
ــ منه منه منه شكلي عامل ازاي هااا؟
=يروووووووووحي ع القمر ربنا يثبتك مش متخيلة انا فرحانه ليكي قد اي
ــ طب يلا بييييينا بقيييي
ـــــــــــــــــــــــــــــــــــــــــــــــــــــــــــــــ
روحنا المسجد وانا مكنتش ظاهره اوي والمأذون بدأ وهيكتب خلاص
ــ فين العروسه
(الكل سكت لحد م انا اتكلمت)
=أنا العروسه
(الكل اتصدم ساعتها)
ــ ازاي
=أنا مريم يا كريم مش عارف صوتي
ــ ايوه اعرف الصوت
توكل ع الله واكتب ي شيخنا
"بارك الله لهما وبـارك عليـهما وجمـع بينهما في خير"
بعد الجمله دي حسيت احساس غريب اوووووي ولقيت حد بيحضني وحد بيضرني وعمال يشتمني طبعا انا ف عالم تاني وبفكر فاللي كنت بعملو وكرم ربنا عليا والنعمة اللي انا فيها حاليا لحد ما فوقت ع صوت ست الكل
ــ بقى كده تغفلينا ي.........
=يلهوووي ي ماما هتفضحينا اهدي بس ي ست الكل وانا هفهمك
ــ تفهميني اي انتي اتجننتي ازاي تتصرفي من دماغك كده
=كنت فاكراكو هتفرجو ي ماما لاني عملهالكم مفجأة بس للاسف
(سمعت صوت من ورايا)
ــ واحلى مفاجأة
=كريم
ــ ي قلب كريم
=انت قليل الادب
ــ ممكن ترفعي النقاب بقي
=اي ده اي ده
ــ في اي
=بابا بينادي
نعم ي بابا انا جايه اهو
ــ ي كدابة
ـــــــــــــــــــــــــــــــــــــــــــــــــــــــــــــــ
بعد مرور اسبوعين (علمًا بأننا معملناش فرح اكتفينا بكتب الكتاب وهنروح نعمل عمرة ان شاءالله وانا حاليا ف بيتي)
ــ كريم
=نعم
ــ اتجوزتني لي؟
=مش عارف الظروف بقى
ــ نعمممممم!!!
=اهدي بس
ــ هقول تاني اتجوزتني لي؟ مع ان كان ممكن تلاقي واحده احسن مني خصوصا أني كنت واحشه اوووووي واكيد انت كنت عارف كده قبل م تتقدملي انا كنت اوحش انسانه ممكن تشوفها فحياتك
= لي ي مريم بتقولي كده! انا عارف انك مكنتيش كده بس محدس يبتولد بيلاقي نفسو مطيع وصالح لازم نعافر وخصوصا أننا ف زمن كلو فتنة وانتي قدرتي تتغلبي على الفتنة دي
ــ انا كنت محتاجه حد يقف جمبي ويساعدني اني اقرب من ربنا
=انا معاكي ونساعد بعض
ــ تعرف انا نفسي نصلي مع بعض وتبقى "إمامـي"
انتهــــى♡
الكاتبة: رحمة مصطفى
حلوه اووي مشاءالله كملي ليكي مستقبل جميل😍🌹
ردحذف