نص بعنوان *جبر الخواطر* للشاعرة هند عبد الحميد "جريدة شتات روح"

كنت راجعه من مشوار وسمعت حد بيقول ده جبر الخواطر على الله وقتها كنت راحه اركب ميكروباص لكن وقفت ساعتها اسمع باستغراب واردد فى الجملة بتاع تلات أربع مرات وقتها بس عرفت خطورة الحوار مش بس جبر الخواطر على الله احنا كمان كلنا على الله 

كل خطوة بناخدها فى حياتنا محتاجه جبر خواطر 

كنت قرات زمان جملة عظيمة جدا بتقول "لو متعرفوش تجبروا الخواطر بلاش تكسروا الخواطر" 

كفاياكوا كسر قلوب وخواطر البنى ءادمين

الله يعين المجروحين

الله يعوض على قلوب المنكسرين

 الله يعوض على كل الساكتين دول جواهم هموم وبراكين 

الله يجازي...الله يجازي كل اللى كسروا قلوبنا زمان 

الله يعوض على كل حزين 

كل اللى كسروا قلوبنا هيجيلكوا يوم وتكونوا مجاريح ده لينا رب كبير اسمه الرحمن الرحيم 

صبرنا صبر عظيم املا فى التعويض

 أكيد بكره أحسن بكتير

 نصيحة منى اجبروا خاطر كل اللى حواليكوا وازرعوا الخير بكره أكيد هتحصدوه خير 

 على فكرة ..على فكرة الدنيا هتلف والأدوار هتتبدل والمشاهد هتتعاد واللى سابك النهاردة بكره هيتساب

 واللى جرحك بكره رح يكون مجروح 

خلى ثقتكوا فى رب الكون موجوده

 ده حقوقنا عند ربنا محفوظة

 اتقال فى جبر الخواطر مقالات ودواوين وبقلمى كتبت جملتين 

جبر الخواطر شئ عظيم

اجبروا خواطر كل اللى حواليكوا 

لِـ هند عبد الحميد (شاعرة الاحساس )